სკოლები

Frances King - ის სკოლა, 1973 წელს ლონდონის ყველაზე ელიტურ უბანში, ჩელსიში დაარსდა. მან მალე დაიკავა წამყვანი ადგილი მსოფლიოს ინგლისური ენის შემსწავლელ სკოლებს შორის. 40 წლის მანძილზე უზრუნველყოფილი სწავლების მაღალი ხარისხის დამადასტურებელია არაერთი საერთაშორისო ორგანიზაციის აკრედიტაცია: British Council, Quality English, English UK, Private Further Education, The International Association of Language.

Frances King-ის ინგლისური ენის შემსწავლელი სკოლა მთელი წლის მანძილზე სტუდენტებს კურსების ფართო არჩევანს სთავაზობს:

• ზოგადი ინგლისური ენის კურსები
• სემესტრული და აკადემიური პროგრამები
• საერთაშორისო გამოცდებისათვის მოსამზადებელი პროგრამები
• ბიზნეს და პროფესიული ინგლისური ენის კურსები
• ოჯახური პროგრამები
• პროგრამა - შობა და ახალი წელი ლონდონში

სკოლაში ფუნქციონირებს ინტერაქტიული თეთრი დაფებით აღჭურვილი საკლასო ოთახები, კომპიუტერული ლაბორატორია, კაფეტერია. რაც მთავარია, ნებისმიერი სტუდენტი Frances King-ის ინგლისური ენის შემსწავლელ სკოლაში აღწევს სასურველ შედეგს, ვინაიდან სკოლაში მუშაობენ გამოცდილი და კვალიფიციური თანამშრომლები.

St. George International 1962 წელს ლონდონის ერთ-ერთ ყველაზე ღირშესანიშნავ უბანში - მერილებოუნში დაარსდა.

ადრეულ სამოციან წლებში მსოფლიო მასშტაბით დაიწყო ინგლისურის, როგორც გლობალური საჭიროების ენის პოპულარიზაცია, რამაც ბრიტანეთში ინგლისური ენის შემსწავლელი სკოლების პირველი ტალღის წარმოშობა განაპირობა, მათ შორის იყო St. George International-იც.

50 წლიანი ისტორიის მანძილზე სკოლა მუდამ გამოირჩეოდა სწავლების უმაღლესი ხარისხით, სტუდენტებისათვის შექმნილი მეგობრული და პატივისცემით განმსჭვალული გარემოთი.

დღესდღეობით St. George International წარმოადგენს დიდ ბრიტანეთში ინგლისური ენის შემსწავლელ ერთ-ერთ საუკეთესო სკოლას, რომელსაც ფილიალები გააჩნია ასევე ინდოეთსა და იტალიაში. სკოლის საერთაშორისო აღიარებას მოწმობს სწავლების ხარისხის განმსაზღვრელი ისეთი საერთაშორისო ორგანიზაციების აკრედიტაცია როგორიცაა: EAQUALS, Quality English, British Council, Private Further Education და მრავალი სხვა.

მათ, ვისაც ინგლისური ენის შესწავლა შუაგულ ლონდონში, ერთ-ერთ ისტორიულ სკოლაში სურთ St. George International სასწავლო პროგრამების სხვადასხა მიმართულებას სთავაზობს:

• ზოგადი ინგლისური ენის კურსები ბავშვებისა და უფროსებისთვის
• ინგლისური ბიზნესისთვის
• საერთაშორისო გამოცდებისათვის მოსამზადებელი პროგრამები
• ინგლისური აკადემიური მიზნებისთვის
• ინგლისურის კორპორატიული ტრენინგები თანამშრომელთათვის

St. George International სასწავლო პროგრამებთან ერთად უზრუნველყოფს სტუდენტების სოციალურ პროგრამებში ჩართულობას, რაც ხელს უწყობს როგორც შესწავლილის პრაქტიკაში გადატანას, ასევე ბრიტანული ცხოვრების სტილსა და კულტურასთან ზიარებას.

The Lake School of English 1978 წელს დაარსდა და ნებისმიერ დაინტერესებულ პირს სთავაზობს შესაძლებლობას შეისწავლოს ინგლისური ენა შუაგულ ოქსფორდში.

The Lake School of English აკრედიტირებულია სწავლების ხარისხის განმსაზღვრელი ისეთი საერთაშორისო ორგანიზაციების მიერ როგორიცაა: British Council, Quality English, English UK, Education UK, Private Further Education და სხვა.

სკოლას გააჩნია სასწავლო კურსების ფართო არჩევანი:

• ზოგადი ინგლისური ენის მოკლევადიანი და გრძელვადიანი კურსები
• საერთაშორისო გამოცდებისათვის მოსამზადებელი პროგრამები
• საზაფხულო პროგრამები
• ინდივიდუალური სწავლების პროგრამები
• ოჯახური სწავლების პროგრამები
• პედაგოგთა პროფესიული განვითარების კურსები

პროგრამებში გარდა მეცადინეობებისა შედის სხვადასხვა სახის გასართობი და შემეცნებითი აქტივობები, როგორიცაა ექსკურისიები ოქსფორდში გიდის თანხლებით, შეხვედრა Dr. Angus-სთან, რომელიც დაგეხმარებათ ყველანაირი გრამატიკული სირთულის დაძლევაში; ოქსფორდის უნივერსიტეტის გაცნობა და მონახულება; ცნობილი ბოტანიკური ბაღის დათვალიერება; ვიზიტი ადგილობრივ ისტორიულ ტაძარში წირვის დროს და გალობის მოსმენა; ვიზიტი ტრადიციულ პაბში; ლათინო-ამერიკული ცეკვების საღამოები; ნავით გასეირნება მდინარეზე, ასევე ექსკურსიები ინგლისის სხვადასხვა ქალაქებში და ა.შ.

ოქსფორდში ყოფნის პერიოდში შესაძლებლობა მოგეცემათ მოინახულოთ უამრავი ცნობილი, ისტორიული ადგილი, როგორებიცაა: ჰერცოგ მალბოროს საგვარეულო მამული ბლენემის სასახლე სადაც დაიბადა უინსტონ ჩერჩილი; ოქსფორდის უნივერსიტეტის კოლეჯები; ბოდლიანის ბიბლიოთეკა, ოქსფორდის ციხესიმაგრე და ა.შ.

The Cambridge Academy of English 1975 წელს გაერთიანებული სამეფოს ერთ-ერთ უმშვენიერეს ქალაქში - კემბრიჯში დაარსდა. წლების განმავლობაში უზრუნველყოფილი უმაღლესი სტანდარტების სწავლების საფუძველზე სკოლამ ამაყად დაიმკვიდრა თავი გაერთიანებული სამეფოს ინგლისური ენის შემსწავლელი საუკეთესო სკოლების ათეულში. ამავდროულად მოიპოვა საერთაშორისო აღიარებაც, რასაც ადასტურებს სწავლების ხარისხის განმსაზღვრელი ისეთი საერთაშორისო ორგანიზაციების აკრედიტაცია როგორიცაა: British Council, Quality English, English UK, Private Further Education, The International Association of Languages და მრავალი სხვა.

The Cambridge Academy of English ყველა ასაკის მსურველს ემსახურება და სასწავლო პროგრამების მრავალფეროვან არჩევანს სთავაზობს:

• ზოგადი ინგლისურის კურსები ბავშვებისა და უფროსებისთვის
• საერთაშორისო გამოცდებისათვის მოსამზადებელი კურსები
• საზაფხულო სკოლები
• ინგლისური ბიზნესისთვის
• ინგლისური სამართლისთვის
• ბრიტანული უნივერსიტეტებისათვის მოსამზადებელი კურსები
• ინდივიდუალური სასწავლო პროგრამები

ქალაქი კემბრიჯი მსოფლიოს ერთ-ერთი ყველაზე ღირშესანიშნავი საუნივერსიტეტო ქალაქია, სადაც მრავალი საუკუნის მანძილზე მილიონობით ადამიანისთვის საუკეთესო გარემოა შექმნილი აკადემიური წარმატების მისაღწევად. The Cambridge Academy of English აკადემიური პროგრამების გარდა სტუდენტებს უზრუნველყოფს უამრავი გასართობი, შემეცნებითი,სოციალური და საექსკურსიო პროგრამებით. სკოლის სლოგანია „England Is Our Classroom“ რაც ითვალისწინებს ინგლისური ენის შესწავლას არამხოლოდ სკოლის საკლასო გარემოში არამედ ბრიტანეთის ცხოვრების და კულტურის სიღრმისეული შეცნობით.

ინგლისის სამხრეთ ნაწილში, ლონდონიდან საათნახევრის სავალი მანძილის დაშორებით მდებარეობს პატარა ისტორიული, ზღვისპირა ქალაქი Ramsgate, რომელიც ინგლისის ყველაზე მზიან და თბილ მხარესაა განლაგებული. ამ ქალაქში განთავსებულია მსოფლიოში ერთ-ერთი ყველაზე ცნობილი ინგლისური ენის შემსწავლელი საერთაშორისო სკოლა Churchill House School of English, რომელიც 1971 წელს დაარსდა და დღესდღეობით გაერთიანებულ სამეფოში ერთ-ერთ უდიდეს დამოუკიდებელ ინგლისური ენის შემსწავლელ სკოლას წარმოადგენს.

წლების განმავლობაში უზრუნველყოფილი სწავლების უმაღლესი ხარისხის გამო Churchill House მსოფლიო მასშტაბით სარგებლობს საუკეთესო რეპუტაციით, რასაც ადასტურებს არაერთი საერთაშორისო ორგანიზაციის აკრედიტაცია: British Council, Quality English, English UK, Education UK, Private Further Education.

გარდა იმისა, რომ Churchill House მთელი წლის განმავლობაში სთავაზობს სტუდენტებს ინგლისური ენის კურსებს, აღსანიშნავია მათი All Inclusive საზაფხულო პროგრამები, რომლებიც 20 ივნისიდან აგვისტოს ბოლომდე მოქმედებს. საზაფხულო კურსებს ხიბლს მატებს ქალაქის ულამაზესი ქვიშის სანაპიროები. ასე, რომ გარდა სწავლისა სტუდენტებს შეუძლიათ კარგი დასვენება მოიწყონ.

Churchill House დაკომპლექტებულია მაღალკვალიფიციური თანამშრომლებით. სკოლაში ფუნქციონირებს საზოგადოებრივი კლუბი, რაც ხელს უწყობს სწავლების და ენის პრაქტიკის გაღრმავებას, ტარდება ყოველდღიური საღამოს აქტივობები, ასევე სკოლის მიერ ხდება სხვადასხვა ექსკურსიების ორგანიზება დიდ ბრიტანეთსა და ევროპის სხვა ქვეყებში.

ინგლისური ენის სწავლება მიმდინარეობს Quality English (The Best of Independent English Language Schools) მიერ აღიარებული უმაღლესი სტანდარტის მქონე კომპლექსური სასწავლო პროგრამით.

ყოველი კურსის ბოლოს გაიცემა შესაბამისი დონის სერთიფიკატი.

ლონდონიდან 2 საათის სავალი მანძილით დაშორებულ ქალაქ Bournmouth-ში 1966 წელს დაარსდა Southbourne school of English.

ეს პატარა ზღვისპირა ქალაქი ათასობით ადამიანის ყურადღებას იპყრობს თავისი უამრავი ღირსშესანიშნაობით - ულამაზესი პლიაჟებით, სილამაზით განთქმული ბაღებითა და პარკებით, სხვადასხვა ყოველწლიური ფესტივალებით და ა.შ. საზაფხულო კურსის გავლის შემთხვევაში შესაძლებლობა მოგეცემათ დაესწროთ და ისიამოვნოთ საჰაერო/საავიაციო ფესტივალით, რომლის დროსაც იხილავთ თვითმფრინავების მეშვეობით დადგმულ ულამაზეს წარმოდგენას ჰაერში.

სკოლის ადგილმდებარეობა ხელს უწყობს მსენელებს, კომფორტულ და სასიამოვნო გარემოში გაიღრმაონ ცოდნა ინგლისურ ენაში და შეიძინონ მეგობრები მსოფლიოს სხვადასხვა ქვეყნებიდან. უკვე თითქმის ნახევარი საუკუნეა, რაც სკოლის დამფუძნებლები უმაღლეს დონეზე აკმაყოფილებენ სტუდენტების მოთხოვნას და სთავაზობენ მსურველებს ენის შესწავლის საინტერესო გზებს. სკოლის შემქმნელებს ღრმად სწამთ, რომ ენის შესწავლაში წარმატების მიღწევა გარანტირებულია მაშინ, როცა მსენელებს აქვთ პოზიტიური და უსაფრთხო სასწავლო გარემო, სწორედ ისეთი როგორსაც Southbourne school of English სთავაზობს ყველა დაინტერესებულ პირს. საზღვარგარეთ სწავლა მოიცავს კლასის გარეთ მეცადინეობას და ადგილობრივ გარემოში ენის შესწავლას, ამიტომ სკოლის პროგრამა ითვალისწინებს კულტურულ გაკვეთილებსა და სხვადასხვა სოციალურ აქტივობებს უცხოელი სტუდენტებისათვის. მასპინძელ ოჯახებს დიდი როლი შეაქვთ მსმენელების სათანადო და კომფორტული პირობების შექმნაში. მასპინძელი ოჯახები წარმოადგენენ მნიშვნელვან და საჭირო ელემენტს უცხოელი მსმენელებისათვის საზღვარგარეთ სწავლისთვის სათანადო პირობების შესაქმნელად.

იმ ფაქტს, რომ Southbourne school of English სთავაზობს დაინტერესებულ პირებს მშვიდ და კომფორტულ გარემოს სასწავლებლად და უზრუნველყოფს მაღალი ხარისხის ცოდნის მიცემას ინგლისურ ენაში, ადასტურებს ისეთი საერთაშორისო ორგანიზაციების აკრედიტაციები, როგორიცაა: British Council, Quality English, English UK, Private Further Education, The International Association of Language, Young learners English UK და სხვა.

Southbourne school of English ინგლისურის კურსებს სთავაზობს სხვადასხვა ასაკობრივ ჯგუფებს.

ინგლისური ენის შემსწავლელი სკოლა - English in Cyprus მდებარეობს კვიპროსის ყველაზე თანამედროვე და მომხიბლავ ქალაქ ლიმასოლში. სკოლა 2007 წელს დაარსდა, ის დაკომპლექტებულია უმაღლესი კვალიფიკაციის მქონე პედაგოგებით და დღესდღეობით, Quality English-ის მიერ აკრედიტებულ ერთადერთ სკოლას წარმოადგენს კუნძულზე, რაც თავის მხრივ, სწავლების ხარისხის უმაღლეს დონეზე მიანიშნებს.

სკოლა მთელი წლის განმავლობაში, ნებისმიერი ასაკის მსურველს, სასწავლო პროგრამების მრავალფეროვან არჩევანს სთავაზობს:

• ზოგადი ინგლისური ენის კურსები
• ინგლისური ბავშვებისთვის
• საერთაშორისო გამოცდებისათვის მოსამზადებელი კურსები
• საზაფხულო სკოლები და ბანაკები
• ოჯახური პროგრამები
• ინდივიდუალური სასწავლო პროგრამები

გამომდინარე იქედან, რომ კვიპროსი გასული საუკუნის 70-იან წლებამდე ბრიტანეთის კოლონიას წარმოადგენდა, ინგლისური ადგილობრივებისთვის მეორე ენაა, ამიტომ კვიპროსი საუკეთესო ადგილია ინგლისური ენის შესწავლისა და პრაქტიკისთვის.

English in Cyprus აკადემიური წარჩინების გარდა დაუვიწყარ შთაბეჭდილებებს გპირდებათ.

ლიმასოლი კვიპროსში სიდიდით მეორე ქალაქია. ის კუნძლის სამხრეთ სანაპიროზე, აკროტირის ყურეში, ორ ანტიკურ ქალაქს შორის მდებარეობს. ქალაქი განსაკუთრებით პოპულარულია ბრიტანელ და ევროპელ ტურისტებს შორის. ლიმასოლის შერჩევით თქვენ შესაძლებლობა გეძლევათ დატკბეთ უამრავი მუზეუმით, არქეოლოგიური სანახაობით, ანტიკური სოფლებით, თვალწარმტაცი სანაპიროებით და ყველაფრით, რასაც ხმელთაშუაზღვისპირა დასვენებისგან ელით..

The European School of English (ESE) ხმელთაშუა ზღვის ერთ-ერთ უმშვენიერეს კუნძულ - მალტაზე მდებარეობს. ის, კუნძულზე ყველაზე მეტი საერთაშორისო აკრედიტაციის მქონე სკოლაა, რომელიც დაკომპლექტებულია უმაღლესი კვალიფიკაციის მქონე პედაგოგებით, სწავლების ხარისხს კი ისეთი საერთაშორისო ორგანიზაციების აკრედიტაციები ადასტურებს როგორიცაა: EAQUALS, IALC, Quality English, BAC, British Council, English UK და FELTOM.

სკოლის მიერ შემოთავაზებულ სასწავლო პროგრამებს შორის არის:

• ზოგადი ინგლისური ენის კურსები
• საერთაშორისო გამოცდებისათვის მოსამზადებელი კურსები
• ბიზნეს ინგლისური
• ინგლისური სამსახურისთვის
• ინგლისური ბავშვებისთვის
• ინგლისური თინეიჯერებისთვის
• საზაფხულო სკოლები
• პედაგოგთა პროფესიული გადამზადების კურსები
• ინდივიდუალური სასწავლო პროგრამები

მალტა იდეალური ადგილია ინგლისური ენის სწავლისა და პრაქტიკისთვის. კუნძული 160 წლის განმავლობაში ბრიტანეთის კოლონიას წარმოადგენდა და მთავარი ისტორიული მემკვიდრეობა, რაც ბრიტანელებისგან დარჩათ არის ინგლისური ენა.

დღეს, მალტა ბილინგვურ ქვეყანას წარმოადგენს, სადაც მალტურთან ერთად ინგლისურიც ოფიციალური ენაა. აქედან გამომდინარე, ESE-ს სტუდენტებს შესაძლებლობა აქვთ, სასწავლო პროცესის გარდა, ადგილობრივ ინგლისურენოვან გარემოში ჰქონდეთ ენის მუდმივი პრაქტიკა.